StalluBoy´s Adventure
StalluBoy’s Adventure -elleekove tiäđuh:
Elleekooveest fiäránisteh sämmilii mainâsij uápis huáđđooh: kufittâr, nuáidi, čäciravgâ já stáálu. Mii tábáhtuvá ko stáálu kandâ ij haalijdgin eelliđ stáálui ärbivyevi mield já kufittâr lii tulkkâm eelliđ eennâm vyellin?
Elleekooveest kullojeh puoh Suomâst sarnum sämikielah: Kufittâr já čäciravgâ sárnuh anarâškielâ, nuáidi nuorttâlâškielâ já stááluh tavesämikielâ.
Máttáátteijee: sämmilii mytologian puáhtá uápásmuđ om, Saamelaiskulttuurin ensyklopediassa.
1) Savâstâllâm
Mii elleekooveest tábáhtuvá? Tábáhtuvá-uv mottoom vyerdimettum äšši?
Láá-uv elleekove huáđđooh valmâšin uáppáseh teikâ sulâstiteh-uv toh mottoom huáđđoo, mast lah kuullâm teikâ luuhâm? Moh huáđđoid láá uáppáseh teikâ maid toh sulâstiteh? Jis huáđđooh láá uđđâseh, maid oppih tain? Jis toh láá uáppáseh, lâi-uv toi lattiimist miinii ereslávánijd ko mainâsijn, maid lah kuullâm/luuhâm tovle?
2) Sárgum
- Valjii oovtâ elleekove huáđđoin: stálukandâ, stálueeči, kufittâr, čäciravgâ teikâ nuáidi. Magareh jiešvuodah tast paccii tuu mielân? Sáárgu huáđđoo já čääli kove vuálá sääni, mii tuu mielâst kovvee tom.
- Tutkâđ kuuvijd oovtâst. Mon kalle sáárgus jieškote-uv huáđđost šoddii? Maid jiešvuođâid toh finnejii?
- Savâstâllâđ: mondiet väljejih eidu tom huáđđoo?
Parâ- teikâ juávkkupargo
- Valjiđ elleekooveest oovtâ kuáhtám, mii lâi om. polâttittee, hitruu, oomâs.
- Sárguđ tom taavlun teikâ čaittâliđ pantomiimin. Iäráseh ervideh, mii kuáhtámijd tot lii.
- Savâstâllâđ, mondiet tot lâi polâttittee, hitruu, oomâs jna. Magareh eres tobdoh šoddii elleekooveest?
Uápásmuu lihâdeijee kove illuusio já animaatio -pargopááján: Lihâdeijee kove illuusio já animaatio
Oonah elleekoveanalyysân fáálá meid Koulukino Čovduuh elleekován -raavâkirje:
ČOVDUUH ELLEEKOVÁN
