Dovdodáidduid bargobádji: dulko ja áiccat dovdduid

Bargovuohki: smávvajoavkkuin
Guhkkodat: 90 min
Luohkát: 3.–6.

Dán bargobihtás govvet smávvajoavkkuin videoid, main čájehit olbmo ja su dihto dovddu golmma iešguđet dilálašvuođas. Fuomášitgo earát, mii dovdduid lea gažaldagas? Makkár dovdduid dovdomearkkaid gávdnabehtet?

Ulbmilat:

• dovdduid áiccadeapmi ja doahpagastin hutkás barggu boađusin
• fuomášit, dulkot ja ovdanbuktit iežas ja earáid dovdduid
• sosiála gulahallama ja vuorrováikkuhusdilálašvuođaid hárjehallan
• speadjalastit (reflekteret) ja árvvoštallat iežas bargama ja oahppama

Maid dárbbašat:

• juohke smávvajovkui neahtuš, fiehttotelefovdna dahje eará fiehttorusttet, mas lea kámera ja videoediterenheivehus (ovdamearkka dihte iMovie dahje FilmoraGo).

---

Bargomuttut:

1. Láidehus ja liggedallan (20 min)

• Listet távvalii dovdduid.
• Listet távvalii vearbbaid dahjege sániid, mat muitalit mii dahkko dahje dáhpáhuvvá.
• Válljet távvalis ovtta dovddu ja ovtta vearbba. Čájehit smávvajoavkkus dahje luohkáin oanehis dilálašvuođa.

Ovdamearka: Válljet dovdun morraša ja vearban borrat. Dán maŋŋel neaktit dilálašvuođa: Mo morašlaš olmmoš borra? Geardduhit hárjehusa iešguđege dovdduiguin ja vearbbaiguin.

2. Plánen (20 min)

Juohkit luohká 4–6 oahppi smávvajoavkkuide. Smávvajoavkkut válljejit alcceseaset ovtta dovddu. Dán lassin válljet golbma vearbba. Dovdu ja vearba ovttastahtto mo-gažaldagain: mo olmmoš válljejuvvon dovdduin dahká áššiid.

Ovdamearka: Smávvajoavku vállje oktasaš dovdun morraša ja vearban vázzit, hállat dahje oasti njálgáid. Dáin šaddet golbma gažaldaga:

• Mo morašlaš olmmoš vázzá?
• Mo morašlaš olmmoš hállá?
• Mo morašlaš olmmoš oastá njálgáid?

3. Govven (30 min)

Juohke dilálašvuohta/gažaldat govvejuvvo iežas videon ovttain govvengerddiin. Kámera bádden bissehuvvo dušše dalle go govvet nuppi dilálašvuođa. Loahppaboađusin šaddet golbma video. Ovtta video guhkkodat lea sullii 10–30 sekundda. Smávvajoavkkuin lea áigi 10 minuvtta ovtta video govvemii.

Videoid govvet njuolga editerenheivehusa áigemeroštallamii dahje govvenrusttega govvagirjerádjui, gos daid sáhttá viežžat editerenheivehussii. Jos ii leat editerenheivehus, de dalle govvejuvvon dilálašvuođaid sáhttá čájehit govvenrusttega govvagirjerájus.

Fuom! Oahppit sáhttet lonohaddat rollaid iešguđege govvemii, vai buohkat ožžot sihke govvet ja neaktit. Buot smávvajoavkkuid dilálašvuođain galgá leat seamma dovdu. Neavttárat sáhttet leat 1–3 guđege video nammii.

4. Geahččan (15 min)

Bargobáji loahpas buktosiid geahččat ovttas luohkáin. Geahčadeami áigge oahppit sáhttet árvádaddat ja čielggadit:

• Mii dovdduid lea govvejuvvon?
• Mat dovddu dovdomearkkat videos leat?
• Mii iešguđet dilis dáhpáhuvvá?