Videosåʹpp
Tuâjjnääʹll: siõmjooukin
Peštt: 90 min
Klaass: 0.–3.
Tän tuâjast ââʹnet sniimmâm-mašina pirrõõzz tuʹtǩǩummša. Tuʹtǩǩeet aaʹššid, koiʹd õhttad geomeetrlaž ååʹbleǩ, euʹnn leʹbe alggbukva.
Täävtõõzz:
- tuʹtǩǩeed pirrõõzz vääʹldeeʹl lokku aaʹšši nõõʹmid, ååʹblǩid da eeuʹnid
- mättjed sniimmâd tuʹmmjeeʹl
Neävv, koid taarbšep:
- juõʹǩǩ siõmjouʹǩǩe tableeʹtt leʹbe jeeʹres sniimmâmneävv. Sniimmʼmõõžžid vuäitt õhtteed videoeditâʹsttemsuåvldõõzzin (ouddmiârkkân iMovie leʹbe FilmoraGo).
Tuâj poodd
- Uʹčteeʹl juâkk mättʼtõõđjid siõmjooukid da oudd juõʹǩǩ jouʹǩǩe sniimmâmteeʹm: joouk vuäiʹtte sniimmâd aaʹššid,
- kook äʼlǧǧe seämma bukvain (ouddm. S: stuuʹl, skaʹrri …)
- kook lie seämmaeunnsa leʹbe
- koin lij seämma geomeetrlaž ååʹbleǩ (kruugg, nelljčiõkk leʹbe kooumčiõkk).
- Siõmjoouk åʹcce aaʹššid suåppum vuuʹdest. Sij sneʹmme juõʹǩǩ ääʹššest videosniimmʹmõõžž, kååʹtt peštt 10 sekuunt. Sniimmʼmõõžž altteet samai ääʹšš ââlda da teʹl likkeeʹl meälǥžet olggla, poka ceâlai äʹšš kuâsttai.
- Joouk sneʹmme nuʹt mäŋgg ääʹšš ko 20 minuuttâst ǩiõrggne.
- Looppâst ǩiõččât snimmum videoid õõutsââʹjest. Snimmum aaʹššid vueiʹtet aʹrvvtõõllâd årstââʹtteeʹl video (“Pause”) ko ceâlai äʹšš ij veâl kuõsttu. Saǥstõõlât ǩiõččmõõžž ääiʹj, mõõn diõtt aaʹššin lie tõnnallšem ååʹbleǩ leʹbe euʹnn.
Vueʹlnn Videosåʹpp-mõõntõõllmõõžž mättʼtemvideo (peštt 6 min):
Täʹst vuäitak laaddâd lääʹddǩiõllsa Videosåʹpp-metodvuäppaz (pdf)
