Jieʹllikaart luõmm: Stop Trick

Tuâjjnääʹll: siõmjooukin
Peštt: 90 min
Klaass: 3.–9.

Tän tuâjast ǩiččlõddâp vuäʹmm jieʹllikarttkuånst, illuusio, koʹst fiʹlmmjum kääuʹn leʹbe oummu vuäiʹtte jaukkâd, očndõõttâd leʹbe mottjed nuʹbben. Kuånst tuejjii tobddsen 1800-lååǥǥ lopp- da 1900-lååǥǥ alggpââʹjest franskkooumaž Georges Méliès. Son viiǥǥi ooudâs mainstemnaaʹlid, mõõk manipulâʹstte tuõttvuõđ.

Täävtõõzz:

• lââʹzzted fiʹttjõõzz jieʹllikaart historiast da ouddnummšest
• fiʹttjed vaajtõsmääinaid, mäʹhtt jieʹllikaartâst vuäitt manipulâʹstted tuõttvuõđ
• plaaneed jiijjâs jieʹllikaart vääʹldeeʹl lokku ǩiõčči
• mättjed videosniimmʼmõõžž da editâsttmõõžž

Neävv, koid taarbšep:

• juõʹǩǩ siõmjouʹǩǩe tableʹtt-teâttmašina leʹbe jeeʹres mobiilaparaatt, koʹst lie kamera da videoeditâsʹttemsuåvldõs (ouddmiârkkan iMovie leʹbe Filmora Go). Jueʹlǧǧ jeärʹmm-mašinaaʹje leʹčči šiõǥǥ, leša ij leäkku päkk.

---

Tuâj poodd

Vueiʹttveʹted ǩiõččâd stop trick -ouddmiârkid täʹst:

1. Vaajteʹǩed jurddjid nåkam šõddmõõžž pirr, koʹst käuʹnn leʹbe ooumaž jäukk, očndââtt leʹbe mottai nuʹbben. Ouddmiârkk: ooumaž išttââtt stuuʹl ool, leša stuuʹl jäukk ouʹddelgo son ǩiõrggan išttad.
2. Piijjâd jeäʹrmm-mašina jueʹlj ool leʹbe cõggâd tõn håʹt mâka påʹrdded vuâstta, što tõt pââšš sâʹjstes.
3. Haʹrjjtõõllâd šõddmõõžž nuʹtt što tuejjeʹped pooddid 4–7 fiʹlmmjeǩani. Mâŋŋa dõʹst tuejjeʹǩed seämmanalla fiʹlmjeeʹl.
4. Sniimmi särnn čuäjtõõlʼjid alggmiârk “JÅTTAI!” da fiʹlmmješkuâtt tâʹlles. Ouddmiârkkšõddmõõžžâst fiʹlmmje tõn räjja, go ooumaž lij išttõõttmen stuuʹl ool. De sniimmi čuõʹrvvai “STOP!” da čuäjtõõlli åårast õõut päikka.
5. Ååʹn jaukkeep fiiʹlmest leʹbe lââʹzztep filmma mâiʹd-ne. Ouddmiârkkfiiʹlmest vieʹǩǩteei veǯǯ vaareeʹl stuuʹl meädda čuäjtõõli vueʹlnn.
6. Go puk lij pijjum valmmšen, de vuäiʹtte juäʹtǩǩed. Sniimmi särnn “JÅTTAI!” da fiʹlmmješkuâtt tâʹlles.
7. Čuäjtõõlli “jeällai” da juätkk ooudâs tõʹst, koozz kuâđđji. Ouddmiârkkfiiʹlmest čuäjtõõlli išttââtt vuâlas šâldda da tåimm taarb mieʹldd.
8. Go leäʹped fiʹlmmjam välddõõzzid, puʹhtted tõid videoeditâsttamsuåvldõʹsse (ouddm. iMovie) da piijjâd tõid ǩeäččlõõžži äiʹǧǧjieʹrǧǧe tõõzz. Jõs suåvldõs tuejjad välddõõzzi kõʹsǩǩe risttkarttserddmõõžžid, sekkad meädda tõid. Välddõõzzâst nobba seʹrdde vuõigg fiʹlmmčuõppmõõžž ââʹneeʹl.
9. Pueʹreʹǩed jieʹllikartt-trick äiʹǧǧkõõsk nuʹtt što vuäʹneʹped välddõõzzi aalǥid da looppid.
10. Jiõntâʹtted välddõõzzi alggveärlaž jiõnid.
11. Lââʹzzteʹǩed nuʹtt musiikk da jeeʹres jiõnid go še algg- da loppteeʹkstid.
12. Ǩiõččâp vaalmâš trickid õõutâst.

P.S. Kaaunak lââʹzz aʹlǩǩes jieʹllikarttkuånstid Koulujen elokuvaviikko (Škoouli jieʹllikarttneäʹttel) -neʹttseeidain (lääddas).